QADINLAR SƏHƏRLƏR KIŞILƏRDƏN DAHA BƏDBIN OYANIR

Mobil telefonda olan bir tətbiq proqramına əsasən əldə olunan məlumatlar qadınların daha çox yatdığını və əsasən günə daha bədbin başladığını göstərib.

"Yuxu dövrü" adlı proqram sayəsində 47 ölkədən 18-55 yaşlarında 950 minə yaxın insanın yuxu vərdişləri 1 il ərzində araşdırılıb. Nəticələrə görə, kişilərdən orta hesabla 34,5 dəqiqə artıq yatan indoneziyalı qadınların “ən çox yatan qadınlar” olduğu ortaya çıxıb. Onları 23 dəqiqə fərqlə Səudiyyə Ərəbistanı və 20 dəqiqə fərqlə İngiltərə izləyib. Qadınların 4,5 dəqiqə daha artıq yataqda qaldığı Yaponiyada isə kişi və qadınların demək olar ki eyni müddətdə yatdıqları məlum olub.

Araşdırma həmçinin qadınların çoxunun kişilərdən daha bədbin oyandığını göstərib. Səhər ən bədbin oyananlar Yaponiya, Cənubi Koreya və Sinqapur qadın və kişiləri olub.

Kişilərin səhərlər ən xoşbəxt şəkildə oyandığı ilk 3 ölkə isə Avstraliya, Kanada və Çin olub. Kolumbiya,Portuqaliya və Ukraynada da qadınların günə pozitiv başladığı məlum olub.

Pazar günləri səhərə ən xoşbəxt şəkildə gözlərini açanların meksikalı kişilər olduğu müəyyən olunub.

Şənbə günləri ən çox yatan qadınların da Finlandiya, Hollandiya və Fransa qadınları olduğu qeyd edilib.

Türkiyə qadınların kişilərdən daha çox yatdığı və kişilərin daha xoşbəxt oyandığı ölkələr sırasında yer alıb. Türklərin bir çox ölkə nümayəndəsi kimi, ən keyfiyyətli şəkildə çərşənbə günü yatdığı ortaya çıxıb. Həmçinin türklərin şənbə günləri 30 dəqiqə artıq yatdığı məlum olub.

Sekslə Yaşlanana Kimi Məşğul Olmağın Yolları +18

Daimi fiziki idman, pəhrizlər, stressdən uzaq olmaq bu cavan vaxtlar lazım olduğu kimi də yaşlaşanda da mütləqdir. Sağlam və seksual paktikası normal olan kişilər, sekslə 70-80 yaşlarına kimi məşğul ola bilir.

Bəs bunun üçün gənc yaşlarında kişilər nələrə riayət etməlidirlər. Beləliklə:

1. Ara verməyin. Əgər siz konsentrasiyanızı işə və yaxud idmana keçirmisinizsə və yavaş-yavaş sekslə məşğul olmağı unutmuşsunuzsa, testosteronun miqdarı getdikcə azalacaq və siz yatağa artıq yalnız yatmaq üçün gedəcəksiniz. Xüsusən bu riskə utancaq və bütün günü internetdə vaxtını keçirən gənclərə, 30 yaşdan sonra karyerasına başı qarışan kişilər və 40 yaşdan sonra boşanmış kişilər aiddir.

Əsgərlik, ezamiyyət, tərəfdaşı ilə küskünlük müvəqqəti seksə ara verə biləcəyiniz səbəblərdir. Lakin bu fasilə 3 aydan çoxdursa onda yenidən siz seks gücünüzü bərpa etməli olacaqsınız baxmayaraq ki, orqanizm seksdən çox çətin özünü ayrı saxlaya bilir və bu hissi dəf etmək olduqca çətindir. Əgər seksdən uzaq olmanız qaçılmazdırsa, mütəxəssislər masturbasiyanı ən azı həftədə bir dəfə məsləhət bilirlər.

2. Xəstəliklərin xroniki olmasına icazə verməyin. Söhbət prostat və ya sifilisdən getmir. Birbaşa seksə aid olmayan bir çox xəstəlikdə sizin seks aktivliyinizə mənfi təsir göstərə bilər. Təzyiqiniz yüksək olanda, mədə ağrılarınız kəskinləşəndə sekslə məşğul olun və sizə nə demək istədiyimizi başa düşərsiz.

3. Seks tərəfdaşınızı daimi edin. Yəni hər bir qadın özünə məxsus mikrob daşıyıcısıdır. Sekslə məşğul olan zaman orqanizminiz mikroblara qarşı immunitet yaradır. Seks tərəfdaşınız daimi olarsa, bu zaman orqanizminiz sözü gedən mikroblardan tam müdafiyə edilmiş olacaq. Əks halda orqaniz mikrob dəyişikliklərinə dözməyərək üzüləcək.

4. Dərhal “əsas məsələyə” keçməyin. Beləki, gənclikdə gördün – ehtiraslandın prinsipi daha üstün olur. Yaşlaşdıqca daha başqa dəyərlərə diqqət yetirməyə başlayır insan. Dəyər dəyişimi seksdə də baş verir. Massaçuset institutunun alimlərinin apardığı araştırmalardan müəyyən olunub ki, seks zəifliyindən əziyyət çəkən kişilər demək olar ki, seks öncəsi sevişməyə heç bir zaman önəm verməyiblər. Araşdırmalar onu da aşkar edib ki, belə sekslə məşğul olan qadınların cinsi orqanlarında xüsusi maddə ifraz olunur ki, bu da sonralarda kişilərdə potensiyaya təsir edir.

Uşaqlarda təmizlik tərbiyəsi

Tərbiyə hər yaşda var, 7-də, 70-də də. Başqasını tərbiyə etmək, özünü tərbiyə etməkdən başlayır. Özünü tərbiyə edə bilməyənin verdiyi tərbiyə əksər hallarda uğursuz olur. Tərbiyə səhvdən qaçmaqdır, doğruya yönəlməkdir, özü ilə mübarizədi ,təmizlənməkdir, arınmaqdır, saflaşmaqdır,gözəlləşməkdir...

Alimlər deyirlər ki, uşağın dünyagörüşü ağ vərəq kimidir, ora istədiyin sözləri yaza bilərsən, ancaq bir məsələ də var ki, hər uşağın imkanları və potensialları eyni olmur.

Təmizlik iki müstəvidə olur: maddi və mənəvi. Hər biri də ciddi tərbiyə tələb edir. Əl-üzümüzü, üst-başımızı su ilə, sabunla təmiz yuduğumuz kimi, mənəvi dünyamızı da səmimi etirafla, üzrxahlıqla ,tövbə ilə təmizləyə bilərik. Özümüzdən başlamalıyıq ki, başqalarını da tərbiyə edə bilək.

Başlayaq mənəvi təmizlikdən. Əgər bir ailədə valideyinlər uşaqları eşidə-eşidə qonşunun arxasınca danışırlarsa, sonra da həmin qonşu ilə rastlaşanda üzlərinə səmimiyyət maskası taxaraq şirin-şirin söhbət edirlərsə, onların verildiyi tərbiyənin heç bir təsiri olmayacaq. Hələ bəlkə həmin uşaq valideynin o qədər də səmimi olmadığını düşünəcək.

Əsl tərbiyə sözlə olmur, gözlə olur. Yəni, uşaq etdiyinə yox, gördüyünə inanır. Eşitdiyindən daha çox gördüyündən dərs alır. Etiraf üzrxahlıq mədəniyyəti tərbiyədə çox mühümdür. Səmimi insan öz səhvi üçün uşağından üzr istəməkdən çəkinməz. Bu qarşı tərəfi tərbiyə etməyin ən gözəl yoludur. Üzr istəmək əskiklik deyil, təmizlənməkdir, dürüstlükdür, böyüklükdür.

Mənəvi təmizlik söhbətini istədiyimiz qədər uzatmaq olar, ancaq bircə onu qeyd edim ki, başqasını tərbiyə özünü tərbiyədən başlayır.

İndi də maddi təmzilik və bu istiqamətdə tərbiyədən danışaq. Maddi təmizlik valideyinlərdən başlayır və mərhələlərlə davam edir. Körpənin yaxasından asılmış təmiz dəsmaldan tutmuş, onun yatağındakı təmiz mələfəyə qədər hər şeyin tərbiyəyə birbaşa adiyyatı var.

Təmizlik tərbiyəsi kompleks bir işdir və gün boyu davam etdirilməlidir. Uşaq yuxudan duran kimi, düşündüyü ilk iş təmizlik olmalıdır. Yatağın yığışdırılması, otağın səliqəyə salınması, əl-üzün yuyulması, dişlərin fırçalanması, saçları daramaq, dırnaqları tutmaq, paltarları ütüləmək, ayaqqabıları təmizləmək tərbiyənin müəyyən çalarlarını ifadə edir.

Bəzən ana canıyananlıq edərək uşağın görməli olduğu işləri öz boynuna götürür. Uşağın yatağını yığışdırır, paltarlarını yerindən asır, masasının üstünü səliqəyə salır, ayaqqabısını təmizləyir və.s. Etiraf edək ki, fədakarlığı ilə xarakterizə olunan Azərbaycan anasının bu cür davranışları əksər hallarda uşağın təmizlik tərbiyəsinə pis təsir göstərir. Analar ona nail olmalıdırlar ki, uşaq hec kimdən kömək gözləmədən süpürgəni, ya da tozsoranı götürüb yatağının yanını təmizləməyi adət etsin, paltarlarını ütülüməyəi öyrənsin, təmizliyi özünün həyat standartına çevirsin.

Təkcə əl üzün, üst başın deyil, ətraf mühitin də təmizliyinə çalışmaq hər birimizin insanlıq borcudur. Təmizlik gözəllikdir ,insanlığın ən mühüm şərtlərindən biridir. Təmiz olmaq və təmizliyi yaratmaq bizim ən mühüm insanıq borcumuzdur. Uca Peyğəmbərimiz Həzrəti Məhəmməd (s.ə.s) heç sevmədiyi 4 xüsusiyyətdən birinin pintilk olduğunu bildirir. Bu bilgi bizə təmizliyin dinimizdə necə həssas məslə olduğunu ortaya qoyur. Bütün ibadətlər insanın mənən, cismən təmizliyi üçündür. Allah bizi təmiz olaraq yaradır və təmiz qalmağı öyrədir.

Kitabı necə oxumalı?

Əvvəla əgər sən bir kitabı oxuyarkən ləzzət alırsansa demək ya sən çox dahi və çox zəkisən ki o kitabın məzmunu sənə tanış və rahat gəlir; ya oxuduğun kitab, əyləncəli və nəfsə xoş gələn kitabdır (məsələn, bədii ədəbiyyat); ya da kitab, dərin olsa da sən onu əyləncəli formada və nağıl kimi oxuyursan.
Kitab sənə rahat gəlirsə, demək ya zatən bildiyin şeyi oxuyursan; ya çox lazımsız və nəfsə xoş gələn bir şeyi oxuyursan; ya da lazımlı bir şeyi, lazımsız formada oxuyursan.
Kitab; ləzzət deyil, döyüşməkdir, mübarizədir!...
Əgər yeni şeylər qazanmaq üçün və əqlini inkişaf etdirmək üçün oxuyursansa; o halda mütləq ki o kitab, məntiqini və təfəkkürünü zorlayacaqdır, zehnən və fizikən yorulacaqsan, nəticə etibarilə, sənə, instinktiv olaraq xoş olmayan bir təsir verəcəkdir.
Kitabı oxuyarkən ləzzət alırsansa demək zatən mənasız və faydasız bir iş görməkdəsən.
Kitabdan necə faydalanmaq lazımdır?

Bir kitabdan yetərincə fayda götürmək üçün; onun hər səhifəsini ayrıca bir kitab, hər sözünü də ayrıca bir səhifə qədər diqqətlə oxumaq lazımdır. Bir cümlədə adətən nəinki 1, hətta məsələn 4-5 və ya daha artıq mətləb gizlənə bilər. Bu mətləblərin hər birini kəşf edib fərqinə varmadan zatən nə onları bir-biri ilə əlaqələndirmək mümkündür nə də bütövlükdə o cümləni yetərincə əxz etmək imkan daxilində deyil.
Bir örnək verək, məsələn belə bir cümlə ilə qarşılaşsaq;
"İslam dünyası, Aristotel fəlsəfəsi və məntiqi ilə, VIII əsrin başlarından etibarən, müsəlmanların fəth etdikləri Suriya və ətrafında qarşılaşdılar".
İndi bu cümlədə çoxsaylı məqamlar gizlidir:
1) "İslam dünyası" nə deməkdir, bu anlayışa nə daxildir?
2)«Aristotel fəlsəfəsi və məntiqi» nə deməkdir?
3) Ümumiyyətlə «fəlsəfə» nədir, «məntiq» nədir?
4) «Qarşılaşma» nə deməkdir, nə anlam ifadə edir, bu proses necə və formada həyata keçə bilər?
5) Niyə məhz «VIII əsrin başlarından etibarən» (daha öncə və ya daha sonra deyil)?
6) Niyə məhz «Suriya və ətrafında»?
7) «Fəth» nə deməkdir, hansı formada həyata keçir və «müsəlmanların fəth etdikləri» deyərkən bu proses, necə həyata keçib, hansı nəticələr doğurub?
Əvvəla ona görə cümləni anlamaq üçün bütün detalları çözmək lazımdır ki; əgər bu detallardan hətta sadəcə biri belə, yanlış bir məlumat və ya yetərsiz bir yarğılamanın sonucu isə; bu, zəncirvari olaraq bütün digər mənaları da etkiləyə biləcək və bütövlükdə cümlənin mahiyyətini sual altına almaqla qalmayacaq həm də bizim, o cümləni və onun anlamını doğru varsaymamız nəticəsində bəlkə də hətta çox mühüm bir məsələdə, yaddaş və şüurumuza yanlış bir məlumat ötürülmüş olacaq və ümumi zehin və qavrama sistemimizə mənfi təsir etmiş olacağıq. Başqa sözlə desək əgər bir cümlənin hansısa bir hissəsində yanış varsa o zaman bu, təkcə bir detalda deyil ümumilikdə bütün cümlədə anlamı təhdid edən bir amildir və bu da o deməkdir ki biz bu səhvin fərqinə varmadan, qəbul etdiyimiz cümlə ilə bərabər yanlış bir informasiya əxz etmiş olacağıq.
Odur ki hər bir cümləylə və cümlənin hər bir detalı ilə, belə desək savaşmaq və döyüşmək gərəkir.
Ümumiyyətlə əgər kitabdan doğrudan da tam faydalanmaq istəyiriksə neçə kitab yox necə bir kitab oxuduğumuzu çözməliyik və sonra da o kitabı, «oxuyub bitirməmiz gərəkən bir kitab» deyil, bir HƏYAT kimi görməliyik. Çünki zatən bir kitab əgər əqli bir kitab isə və güclü bir zehinin məhsulu isə demək zatən o mütləq ki 100 faiz nisbətində olmasa belə, böyük nisbətdə həyatı və ümumi düşüncə sxemini əhatə və ifadə edir. O, bəlkə sizə həyatı rəsm edərkən tam dolğun və bütün rəngləri ilə ifadə etmir amma bir və ya bir neçə rəng və ya ştrix əksik olsa belə, ümumi plan və sistem zatən yetərincə bəlirgin və aydındır. Odur ki bir (əqli) kitabı oxuyarkən; hər şeyi, rəsm çəkən bir rəssam kimi düşünüb, hər nöqtə və detalın əhəmiyyətinin, bütünlükdə o mənzərənin yaranmasında önəmli olduğunu diqqətdən qaçırmamaq gərəkir. Hər detala nə qədər çox həssaslıq və peşəkarlıq göstərsək; bu, ümumi mənzərənin və dolayısıyla da kitabın ümumi məzmununun, və beləliklə bizə ola biləcək və bütün həyatı, zehnimizə oturdacaq təsirinin də maksimum olmasını təmin edəcəkdir.
Bəli, bir çoxları, hər kitabı, həyatın ayrıca bir detalı kimi düşünsə də əslində belə deyildir; hər (əqli) kitab, ayrılıqda elə həyatın özüdür və o kitabın hər sözü və cümləsi də həyatın bir ştrixti və hissəsi deməkdir.
Önəmli olan, neçə kitab oxumaq deyil; necə bir kitab oxumaqdır və onu nə formada oxumaqdır!...
Təkcə 1 kitabla, həyatı çözmək və dünyaları fəth etmək olar!...

Tütün

Tütünün vətəni Ekvadordur.
Kolumbun səyahəti zamanı ispanlar Kubada yerli hinduların tütün çəkdiklərini müşahidə edirlər. Yaxından tanış olandan sonra görürlər ki, çəkilən şey burulmuş quru yarpaqdan ibarətdir. Hindular çəkdiklərinə «tabako» deyirdilər. Hinduların bu adəti haqqında məlumat 1496-cı ildə Avropaya çatır. Məlumatı yayan rahib R.Pano deyir ki, hindular kələm yarpaqlarına oxşar yarpaqlan burub çəkirlər. Bununla yanaşı onlar bu yarpaqları həm iyləyir, həm də çeynəyirdilər. O zamanlar tütünü yalnız kişilər çəkirdilər.
1556-cı ildə Cənubi Amerikada fransız ekspedisiyasının tərkibində olan missioner A.Tave Parisə tütün toxumu (fransızca «peten» deməkdir) gətirir. O, Peruda — Maranyen çayı sahili boyunca yaşayan hinduların tütünü necə çəkdiyini müfəssəl təsvir edir. Onun təsvirinə görə quru tütün yarpaqlarını çubuğa bənzər şəkildə palma yarpağına bükürlər.
1558-ci ildə tütün toxumlarını Portuqaliyaya gətirir və onu həm təsirli, həm də faydalı müalicə vasitəsi kimi becərməyə başlayırlar.
1560-cı ildə fransız elçisi Jan Niko (Nicot) Lissabondan gözəl bir bitki kimi tütünü Parisə göndərir. Bu, Avropanın tütünlə tanışlığında mühüm rol oynayır. Fransız botaniki Daleşan özünün «Bitkilərin tarixi» əsərində bu bitkini ilk dəfə təsvir edir və onun adını «Nicotina» qoyur. Bu adı Karl Linney də qəbul edir və onu öz təsnifatına salır. Beləliklə, tütün Fransada yayılır. Sonra o, sərhədləri aşıb, başqa ölkələrə də keçir.
V Karlın əsgərləri tütün çəkmək adətini Almaniyada öyrənirlər. Çox keçmir ki, görkəmli dənizçi V.Raley tütün çəkməyi İngiltərə əhalisi arasında dəb salır. Tütünü, qəlyanı əvəz edən gil borucuqlar vasitəsi ilə çəkməyə başlayırlar. İngilislər 1606-cı ildə özləri ilə Türkiyəyə tütün gətirirlər. Bitki burada özünə yeni, əlverişli məskən tapır.Hazırda Türkiyə yüksək keyfiyyətli tütün yetişdirən və ixrac edən ölkələrdən biri sayılır.
Tütün çəkmək dəbi tütünə olan tələbatı get-gedə artırır. Beləcə, yeni tütün plantasiyaları salınır. 1615-ci ildə Hollandiyada da tütün plantasiyaları meydana gəlir.İspanlar 1630-cu ildə Avropada tütünü qoxulamaq adətini dəb salırlar. Çox keçmir ki, bu adət Fransaya da yayılır.

Tütün çəkmək adəti uzun və ziddiyyətli bir yol keçmişdir. Onun müdafiəçiləri də olmuşdur, əksinə çıxanları da. Əlbəttə, tütün orqanizmin düşmənidir. Məşhur alman yazıçısı Höte belə demişdir: «Oxumuş adam tütün çəkməz».
Bu barədə İngilis kralı Ceymsin də gözəl bir fikri vardır. «Tütün çəkmək göz üçün acı, burun üçün nifrət, döş üçün zərər, ciyərlər üçün təhlükəlidir».
Maraqlıdır ki, böyük yazıçımız Əbdürrəhim bəy Haqverdiyev qəhrəmanlarından birinin dili ilə tütün haqqında belə deyir: «Qəlyan, əl yan, can yan, cib yan».
XIX əsrin ikinci yarısına qədər küçələrdə və ictimai yerlərdə tütün çəkmək qadağan edilirdi. Rusiyada tütün çəkməyə qarşı çox ciddi qadağalar var idi. Hökumətin 1634-cü ildəki qərarına görə, tütün çəkənlərin burunlarını eybəcər hala salır, bəzən isə hətta kəsirdilər. Ən ağır cəza tütünə qurşananların uzaq Sibirə sürgün edilməsiydi. I Pyotr 1697-ci ildə fərman verərək tütünün becərilməsinə və istehlakına böyük sərbəstlik verdi. Beləliklə, 1715-ci ildə I Pyotrun fərmanı ilə Xarkov yaxınlığında Rusiyada ilk tütün fabriki yaradıldı.
XVIII əsrin axırıncı rübü tütün sənayesinin yaranmasında xüsusi mərhələ sayıla bilər. Beləki, 1880-ci ildə Şlottman adlı kapitalist Almaniyanın Hamburq şəhərində siqaret istehsal edən ilk fabriki yaradır. Alman mütəxəssislərinin köməyi ilə 1852-ci ildə Rusiyada «Laferi» adlı tütün firmasının əsası qoyulur.
1876-cı ildə bu sahə üçün maşın ixtira olunur. Nəticədə Almaniyanın bir sıra yerlərində tütün fabrikləri açılır.

Havanı təmizləyən 9 otaq bitkisi

Yaşayış yerlərindəki çirkli hava insan xəstəliklərinin əsas səbəblərindəndir. Kərpic və beton divarlar isə formaldehid kimi zəhərli kimyəvi maddələr buraxır. Havanı işlənən plitələrin üzərində formalaşan bakteriyalar, kif, toz və karbon qazı da zəhərləyir. Evlərdə havanı təmizləyin ən yaxşı üsulu otaq bitkiləridir.

PayızgülüBu bitki NASA-da çox sevilir. Məhz bu güllər kosmik agentliyin ofislərində havanın təmizlənməsi üçün istifadə edilir. Payızgülü istənilən yerdə havadakı ammiyak, benzol və formaldehidi udur.

Xlorofitum
Xlorofitum tələbkar olmayan bitkidir. O, kifayət qədər geniş yayılıb. Xlorofitum mənzildə təmizlik aparakən havaya qalxan tozları və bütün kimyəvi preparatları effektiv şəkildə udur.

Drasena
Dünyada bu bitkinin 40-dan çox növü var. Buna görə siz onu asan tapacaqsınız. Benzol, trixloretilen və ksilolun havadan kənarlaşdırılması üçün əla vasitədir. Onu da nəzərə alın ki, bu bitki pişiklər və itlər üçün bir az zəhərlidir.

Fikus
Fikus dünya bitkisevərləri arasında ən məşhur mini ağacdır. Onu böyük dibçəklərə əksəniz həqiqətən də evdə böyük bir ağacınız olar. Amma, bir qayda olaraq, 60-120 sm-ə qədər böyüyür və yayda bitkini həyətə çıxartmaq olar.

Spatifilum
Bu bitkinin çox gözəl gülləri olur. Yay aylarında çiçək açırlar. Kölgəli və rütubətli yerlərdə daha yaxşı inkişaf edirlər. Havada olan ammiyak, benzol, formaldehid və trixloretilen maddələrini özünə çəkir.

Nefrolepis
Bu bitki yüksək rütubətli, sərin, işıqlı yerləri sevir. Vanna otaqları nefrolepis üçün ideal yerdir. O havanı ksilol maddəsindən təmizləyir.

Sansevieriya
Onu ofis və restoranlarda əksər hallarda dibçəkdə görürük. Bu əbəs yerə deyil. Belə ki, sansevieriyalar demək olar ki, heç bir qulluq tələb etmir. Onları ayda bir dəfə sulamaq lazımdır: quru şəraiti sevirlər.

Xamedoreya (Bambuk palması)
Bu bitki havanın formaldehiddən təmizləməsi üçün dünyada ən yaxşı vasitə hesab olunur. Başlanğıc üçün ən yaxşısı onu pəncərəaltına qoymaqdır.

Əzvay
Bu, çoxfunksiyalı bitkidir. Onun yarpaqları ilə yanıqları, soyuqdəyməni müalicə etmək və sadəcə otaqda havanı təmizləmək olar. Bir əzvay istənilən kiçik mənzilə yeni həyat gətirər.

Turistlər üçün Avropanın ən ucuz 20 şəhəri

Turistlər üçün Avropanın ən ucuz 20 şəhəri

Bu il tətilini Avropada keçirmək istəyən, lakin çoxlu pul xərcləmək istəməyənlər üçün “Price of Travel” səyahət saytı Avropada gəzmək üçün ən ucuz şəhərlərin siyahısını tərtib edib. Siyahı tərtib olunarkən, mərkəzdə və yaxud mərkəzə çox yaxın olan 3 ulduzlu otellərin bir gecəlik qiymətləri əsas götürülüb. Bundan başqa, taksi qiymətləri, turistik ərazilərə giriş qiymətləri, gündəlik qidalanma xərcləri də nəzərə alınıb. “Üç Ulduzlu Səyahət İndeksi” adlandırılan siyahıya Avropanın 20 şəhəri daxil edilib.

1. Buxarest, Rumıniya – 43,80 dollar

2. Sofiya, Bolqarıstan – 44,71 dollar

3. Kiyev, Ukrayna – 46,35 dollar

4. Çeski Krumlov, Çexiya – 49,10 dollar

5. Sarayevo, Bosniya və Herseqovina – 50 dollar

6. Sankt-Peterburq, Rusiya – 50, 48 dollar

7. Budapeşt, Macarıstan – 51,06 dollar

8. Krakov, Polşa – 52,36 dollar

9. Belqrad, Serbiya – 53,52 dollar

10. Split, Xorvatiya – 62,08 dollar

11. Zaqreb, Xorvatiya – 64,92 dollar

12. Vilnus, Litva – 65,88 dollar

13. Bratislava, Slovakiya – 68,39 dollar

14. Santorini adası, Yunanıstan – 69,49 dollar

15. Riqa, Latviya – 69, 94 dollar

16. Tenerife, İspaniya – 70,05

17. Praqa, Çexiya – 74,67 dollar

18. İstanbul,Turkiyə – 77,07 dollar

19. Varşava, Polşa – 77,66 dollar

20. Moskva, Rusiya – 77,71 dollar

Şüuraltımızda Nələr Var?

Aşağıdakı cümlələri oxuyun və xəyalınızda canlandırmağa çalışın. Cavablar üzərində çox düşünməyin, ağlınıza ilk gələn ilk cavabı kağıza qeyd edin.

1. Meşənin içi ilə gedirsiniz. Yanınızda kim var?

2. Meşə ilə gedərkən qarşınıza bir heyvan çıxır. Bu necə heyvandır?

3. Heyvan ilə aranızda necə bir qarşılaşma yaşanır? (Aqressiv və ya mülayim)

4. Meşənin içində bir az daha gedərkən bir açıqlığa çıxırsınız. Qarşınızda xəyalınızdakı ev dayanıb. Bu evi təsvir edin.

5. Xəyal etdiyiniz evin ətrafında sarmaşıqlar var mı?

6. Evə daxil olursunuz. Yemək otağına girirsiniz və yemək masasını görürsünüz. Masanın üstündə və ətrafında nə var?

7. Arxa qapıdan çölə çıxırsınız. Otların üzərində bir qab görürüsünüz. Qabın materialı nədəndir? (taxta, şüşə, kağız, dəmir və s.)

8. Qabın vəziyyəti necədir? (qırıq, sağlam, möhkəm, yeni, köhnə). Qab ilə nə edirsiniz?

9. Evin kənarına doğru gedirsiniz və özünüzü su kənarında görürsünüz. Hansı tip su? (göl, çay, okean və s.)

10. Sudan qarşı tərəfə necə keçirsiniz? (islanırsız və ya quru?)

Indi cavablara nəzər salaq:

1. Sizinlə gedən adam həyatınızdakı ən əhəmiyyətli adamdır.

2. Heyvanın böyüklüyü şəxsi problemlərinizi nə qədər böyük gördüyünüzü ifadə edir.

3. Heyvan ilə aranızda baş verən qarşılaşma problemlərinizlə necə baş etdiyinizin göstəricisidir. (aktiv və ya passiv, aqressiv və ya sakit)

4. Xəyalınızdakı evin böyüklüyü problemlərinizi həll etməyə nə qədər istəkli olduğunuzu göstərir.

5. Evin ətrafında sarmaşıqların olması öz dünyasına qapalı insanı təmsil edir. Insanların evinizə gəlməzdən əvvəl zəng edib xəbər verməsini istəyərsiniz. Əgər ev ətrafında sarmaşıq yoxdursa deməli açıq insansınız. Insanlar hər zaman evinizi ziyarətə gələ bilirlər.

6. Əgər yemək otağında insanlar və çiçəklər yoxdursa ümumiyyətlə neqativ bir insansınız.

7. Qab nə qədər möhkəm materialdandırsa, demək birinci sualdakı yoldaşınızla münasibətləriniz bir o qədər möhkəmdir. Məsələn kağız, şüşə dayanıqlı deyil. Bunun əksinə olaraq metal və ya plastik dayanıqlıdır.

8. Qab ilə nə etdiyiniz birinci sualdakı yoldaşınızla olan rəftarınızı əks etdirir. Məsələn qab misdən hazırlanmış və içi su ilə doludursa, siz onu evə aparırsınızsa bu sizin yoldaşınıza dəyər verdiyinizi göstərər. Demək, münasibətləriniz möhkəmdir. Halbuki qab saxsı və qırıq isə, siz də parçaları evdən kənara atırsınızsa bu adamla münasibətdə problemlər olduğunu və onu uzaqlaşdırmağa çalışdığınızı göstərər.

9. Suyun böyüklüyü sizin məhəbbətinizin böyüklüyüdür.

10. Sudan qarşı tərəfə keçərkən nə qədər islandığınız məhəbbət həyatınızın nə qədər əhəmiyyətli olduğunu göstərir.

1 ALiM

Scrolling box

Toplam Sayfa Görüntüleme Sayısı

Combine

Horizontal

Vertical1

Vertical2

Gallery

Portfolio